كيفية التحضيرالتاي السر الاول هو نوعيت السكر تاع الحجرة هو الي يدير الرغوة وجي بنين علا العادي والي لقات واحد مداير كي الجبل وراسمين فيه راجل تاع الصحراء يكون احسن واحسن انا ملقيتوش اولا حطي الماء يغلي مليح ديري 2 مغارف كبار تاع عشاء تاع تاي حطيهم في الابريق وصبي عليهم كميه من الماء وحركي ثم سيحي هذاك الماء وعاودي كبي عليهم كمية من الماء وخليه يغلي علا نار جد هادية يعني تنسفي عليه يطفى تخليه حوالي نصف ساعة الكمية تاع 2 مغارف تعملك ابريق تاع 0.75 لتر جيبي ابريق تاني وديري فيه نعناع 4 او 5 اعراف والسر الثاني هو انو النعناع يكون جديد لما تفوت النص ساعة هزي الابريق اللي فيه التاي وفرغيه في الابريق الي فيه النعناع واغلقيه وخليه فرغي التاي برك و خلي الاوراق في البريق بمعنى صفيه فوق النعناع عاودي كبي كمية الماء الي بقاتلك ولازم يكون سخون وعاودي رجعي التاي علا نار هادئة لمدة نصف ساعة او اكثر 40 د وعاودي افتحي ابريق النعناع وكبي التاي في النعناع وخليه يتشرب بنة النعناع بلا متشعلي عليه النار لانو راح يفقد بنتو الحقيقية وهذا السر الثالث لانو كاين ناس بزاف يشعلوا علا النعناع النار اذا كنتي رايحة تشربيه في هذاك الوقت ديري السكر في كاس وكبي التاي ورجعي للابريق وكرري العملية عدة مرات باه تتشكل الرغوة مع رفع اليد واذا كنت رايحة تشربيه في المساء متحليهش خليه حتى تبغاي تشربيه ومتسخنيهش مع النعناع اغسلي الابريق الي كان فيه اوراق التاي وسخنيه فيه ثم رجعيه لابريق النعناع ثم حليه بالسكر
موضوع: كيفية تحضير الشاي 
الإثنين يناير 05, 2015 5:46 pm